شیخ ابراہیم ذوق

آج تک خوں سے مرے تر ہے زبان خنجر
کیا کرے جب کہ طلب کوئی شہادت نہ کرے

بیان میرٹھی

ہے شب وصل دو عالم گیسو
وہ جبیں صبح شہادت ہوگی
شعلہ رو پڑھتے ہیں کلمہ تیرا
شمع انگشت شہادت ہوگی
زہر لگتی ہے انہیں میری حیات
کیوں کہ منظور شہادت ہوگی

حسرت موہانی

ترے سرفروشوں میں ہے کون ایسا
جسے دل سے شوقِ شہادت نہیں ہے

حفیظ ہوشیارپوری

میرے چشم و گوش و لب سے پوچھ لو سب کچھ یہیں
مجھ کو میرے سامنے لاؤ شہادت کے لیے

فراق گورکھپوری

دیتے ہیں جام شہادت مجھے معلوم نہ تھا
ہے یہ آئین محبت مجھے معلوم نہ تھا