شیخ ابراہیم ذوق

تیرے بیمار کے سرِ بالیں
موت کیا کیا شفا سے لڑتی ہے
وصف چشم و وصف لب اس یار کا کہنے کو ہیں
آج ہم درس اشارات و شفا کہنے کو ہیں

مصحفی غلام ہمدانی

کیا دخل کسی سے مرض عشق شفا ہو
ممکن ہے کہ اس درد کی دنیا میں دوا ہو

مصطفٰی خان شیفتہ

ہے آرزوئے شربتِ مرگ اب تو شیفتہ
لگتی ہے زہر ہم کو شفا اور شفا کو ہم

فیض احمد فیض

بے دم ہوئے بیمار دوا کیوں نہیں دیتے
تم اچھے مسیحا ہو شفا کیوں نہیں دیتے

مجید امجد

بنے یہ زہر ہی وجہِ شفا، جو تو چاہے
خرید لوں میں یہ نقلی دوا، جو تو چاہے

جوش ملیح آبادی

جس کے مرض پہ صحت عالم نثار ہو
کس طرح وہ مریض دعائے شفا کرے

حسرت موہانی

کاوش دردِ جگر کی لذتوں کو بھول کر
مائل آرام و مشتاق شفا ہو جائیے

افضل منہاس

زندگی کا یہ مرض افضلؔ چلا ہی جائے گا
تیرے ہاتھوں میں کبھی خاکِ شفا بھی آئے گی

شاذ تمکنت

دوا تو خیر ہزاروں کو راس آئے گی
مزہ تو جینے کا جب ہے شفا بھی راس آئے