شیخ ابراہیم ذوق

اے ذوقؔ کسی ہمدمِ دیرینہ کا ملنا
بہتر ہے ملاقات مسیحا و خضر سے

الطاف حسین حالی

اپنی جیبوں سے رہیں سارے نمازی ہشیار
اک بزرگ آتے ہیں مسجد میں خضر کی صورت

سدرشن فاکر

زخمِ تازہ کر رہا ہوں چارہ گر کو دیکھ کر
راستہ میں نے بدل ڈالا خضر کو دیکھ کر

اختر ہوشیارپوری

وہ کون تھا جو لے کے مجھے گھر سے چل پڑا
صورت خضر کی تھی نہ وہ چہرہ خضر کا تھا

محسن احسان

اٹھ جائے کب اپنا آب و دانہ
انساں ہیں کوئی خضر نہیں ہم