شیخ ابراہیم ذوق

تمہارا مجھ کو پاس آبرو تھا
وگرنہ اشک جاتے تھم ابھی سے

باقی صدیقی

ان کے غصے کے نہ تیور بدلے
ورنہ طوفان بھی تھم جاتے ہیں
رک گئی برسات، ساغر تھم گئے
تھامنا اے ضبط الفت ہم گئے
غم کے ہیں یا ضبطِ غم کے ترجماں
اشک جو پللوں پہ آ کر تھم گئے

ضیا جالندھری

سرد جھونکوں نے کہی سونی رتوں سے کیا بات
کن تمناؤں کا خوں شاخوں سے تھم تھم برسا

عزیز حامد مدنی

سب پیچ و تاب شوق کے طوفان تھم گئے
وہ زلف کھل گئی تو ہواؤں کے خم گئے
ایسی کوئی خبر تو نہیں ساکنان شہر
دریا محبتوں کے جو بہتے تھے تھم گئے

شاذ تمکنت

عجب بناؤ ہے کچھ اس کی چشمِ کم گو کا
کہ سیل آہ کوئی تھم رہا ہے آنکھوں میں