مرزا غالب

دوست دارِ دشمن ہے ! اعتمادِ دل معلوم
آہ بے اثر دیکھی، نالہ نارسا پایا

داغ دہلوی

نہیں کوتاہ دامن امید
آگے اب دستِ نارسا جانے

مصطفٰی خان شیفتہ

ترے فسونِ اثر ریز سے رسا تر ہے
فغان بے اثر و آہِ نارسا واعظ
فریادِ نزع کان تک اس کے نہ جا سکی
تھا شیفتہ ہمیں نفسِ نارسا سے ربط

مومن خان مومن

مرنے کے بعد بھی وہی آوارگی رہی
افسوس جاں گئی نفسِ نارسا کے ساتھ
غم مقصد رسی تا نزع اور ہم
اب آئی موت بختِ نارسا کی
جرم معلوم ہے زلیخا کا
طعنۂِ دستِ نارسا کب تک

جگر مراد آبادی

لگا دے آگ او برقِ تجلی دیکھتی کیا ہے
نگاہِ شوق ظالم نارسا یوں بھی ہے اور یوں بھی

عرفان صدیقی

کیا بشارت غرفۂ حیرت سے کرتی تھی نزول
کیا کرامت میرا حرفِ نارسا کرتا تھا رات

الطاف حسین حالی

جب دیا راہرو کو ذوقِ طلب
سعی کو نارسا کیا تو نے

عبید اللہ علیم

وہ دور آ گیا ہے کہ اب صاحبان درد
جو خواب دیکھتے ہیں وہی خواب نارسا

حسرت موہانی

اور بھی ہو گئے وہ غافل خواب
نالۂ صبح نارسا نہ رہا

رسا چغتائی

خاک ہونا ہی جب مقدر ہے
اب جہاں بختِ نارسا لے جائے

سیماب اکبر آبادی

مجھے فکر و سر وفا ہے ہنوز
بادۂ عشق نارسا ہے ہنوز

شان الحق حقی

لگی ہے چشم زمانہ اگرچہ وہ دامن
بہت ہے دور ابھی دستِ نارسا سے مرے

فانی بدایونی

نامراد رہنے تک نامراد جیتے ہیں
سانس بن گیا اک ایک نالہ نارسا ہو کر
وہ فریاد کا عہد پھر یاد آیا
پھر اک نالۂ نارسا چاہتا ہوں

افضل منہاس

خیال میں کئی کانٹے اتر گئے افضلؔ
سزا ملی ہے یہ اک حرفِ نارسا کے لیے

شاذ تمکنت

مہ و ستارہ و خورشید و چرخ ہفت اقلیم
یہ اہتمام مرے دستِ نارسا کے لیے