شیخ ابراہیم ذوق

ہم نہیں وہ جو کریں خون کا دعویٰ تجھ پر
بلکہ پوچھے گا خدا بھی تو مکر جائیں گے

جون ایلیا

وہ جو دل نام کا تھا ایک نفر
آج میں اس سے بھی مکر آیا
میرا فہرست سے نکال دو نام
میں تو خود سے مکر گیا کب کا

عبدالحمید عدم

آپ کے جور کا جب ذکر چھڑا محشر میں
ہم مکر جائیں گے سرکار کوئی بات نہیں

ظہیر کاشمیری

ابھی چھڑی بھی نہ تھی داستان عہدِ وفا
کسے خبر تھی کہ وہ یوں مکر ہی جائیں گے

ماجد صدیقی

غمِ زمانہ تری حقیقت سے چشم پوشی بڑی خطا ہے
مگر مجھے وہم ہے کہ ہستی سے ہی تری میں مکر نہ جاؤں

شاذ تمکنت

تری خوشی نے مرا حوصلہ نہیں دیکھا
ارے میں اپنی محبت سے بھی مکر جاتا