شیخ ابراہیم ذوق

کروں اک نالے سے میں حشر میں برپا سو حشر
شورِ محشر مجھے سوتے سے جگائے تو سہی

علی سردار جعفری

خود بخود آہ لرزتے ہوئے بوسوں کی طرح
میرے ہونٹوں کی لطافت کو جگائے ہوئے ہونٹ

اختر ہوشیارپوری

ہوا کی آہٹیں سنتا ہوں دھڑکنوں کی طرح
مثال شمع مجھے رات بھر جگائے وہ

فراق گورکھپوری

تغافل اور بڑھا اس غزالِ رعنا کا
فسون غم نے بھی جادو جگائے ہیں کیا کیا

قتیل شفائی

ڈالی ہے اس خوش فہمی نے عادت مجھ کو سونے کی
نکلے گا جب سورج تو خود مجھ کو آن جگائے گا