شیخ ابراہیم ذوق

نہیں ہے کم زر خالص سے زردیِ رخسار
تم اپنے عشق کو اے ذوقؔ کیمیا سمجھو

الطاف حسین حالی

طبع انساں کو دی سرشت وفا
خاک کو کیمیا کیا تو نے

عبید اللہ علیم

تمہارے نام پہ جس آگ میں جلائے گئے
وہ آگ پھول ہے وہ کیمیا ہمارے لیے

احمد فراز

عشق بھی کھیل ہے نصیبوں کا
خاک ہو جائیں کیمیا ہو جائیں
میں مر مٹا تو وہ سمجھا یہ انتہا تھی مری
اسے خبر ہی نہ تھی، خاک کیمیا تھی مری

ناصر کاظمی

ہم سے پہلے زمینِ شہرِ وفا
خاک تھی کیمیا ہمیں سے ہوئی