مصحفی غلام ہمدانی

عقل گئی ہے سب کی کھوئی کیا یہ خلق دوانی ہے
آپ حلال میں ہوتا ہوں ان لوگوں کو قربانی ہے
منہ چھپا قاتل کہ تیری ہی طرف
تک رہی ہے چشم قربانی صریح

جون ایلیا

نام پہ ہم قربان تھے اس کے لیکن پھر یہ طور ہوا
اس کو دیکھ کے رک جانا بھی سب سے بڑی قربانی تھی

عبدالحمید عدم

ایک نامقبول قربانی ہوں میں
سرپھری الفت میں لا ثانی ہوں میں

قمر جلالوی

ہزاروں بار مانی حسن نے ان کی وفاداری
مگر اہلِ محبت ہیں کہ قربانی نہیں جاتی

حسرت موہانی

میری جانب ہے مخاطب خاص کر وہ چشم ناز
اب تو کرنی ہی پڑے گی دل کی قربانی مجھے

سیماب اکبر آبادی

خواہشوں کے ساتھ اپنے نفس کو بھی کر فنا
زندگی میں اس سے بہتر کوئی قربانی نہیں