مصحفی غلام ہمدانی

تین جگہ سے میرے گلے کو مثل شتر یہ کاٹتے ہیں
دینِ محمدی ہے جو خلیلی اس کی یہ طغیانی ہے

جون ایلیا

عشق کی حالت کچھ بھی نہیں تھی بات بڑھانے کا فن تھا
لمحے لا فانی ٹھہرے تھے قطروں کی طغیانی تھی

جگر مراد آبادی

محبت میں اک ایسا وقت بھی دل پر گزرتا ہے
کہ آنسو خشک ہو جاتے ہیں طغیانی نہیں جاتی

عرفان صدیقی

کب سے راضی تھا بدن بے سر و سامانی پر
شب میں حیران ہوا خون کی طغیانی پر
دیکھیے خون میں کیا اٹھتا ہے طغیانی سا
سر پہ چھایا تو ہے کچھ ابر پریشانی سا

اکبر معصوم

موجۂ مے ہے بہت میرے سکوں پر بے تاب
ضبط گریہ سے مرے جام میں طغیانی ہے

عبید اللہ علیم

بے حسی وہ ہے کہ کرتا نہیں انساں محسوس
اپنی ہی روح میں آئی ہوئی طغیانی کو