مصحفی غلام ہمدانی

دل کی کچھ اس کو سے نہ آئی خبر
ماتم یار سفری کیجیے
مصحفیؔ ہے یہی اب سوچ کہ دیکھیں تو فلک
پھر بھی دکھلائے گا یار سفری کی صورت

عرفان صدیقی

دشتِ ہجراں کے کڑے کوس تو سب کے لیے ہیں
میں ہی ارمان کروں ہم سفری آخر کیوں
ہمیں بھی یاد نہیں ہے کہ ہم شرر کی طرح
ہوا کی ہم سفری میں کہاں سے آتے ہیں

مصطفیٰ زیدی

کیا جانیے کیوں سست تھی کل ذہن کی رفتار
ممکن ہوئی تاروں سے مری ہم سفری بھی

حفیظ ہوشیارپوری

توفیق رفاقت نہیں ان کو سرِ منزل
رستے میں جنہیں پاس رہا ہم سفری کا

احمد فراز

ترے شہر میں میں چلا تھا جب تو کوئی بھی ساتھ نہ تھا مرے
تو میں کس سے محو کلام تھا تو یہ کس کی ہم سفری رہی