مصحفی غلام ہمدانی

جان سے جاتے رہے ہیں بسکہ لاکھوں بے گناہ
ہر طرف کوچے میں اس کے خوں کے نالے جاتے ہیں
اس کے کانوں تک رسائی کیوں نہیں حیران ہوں
عرشِ اعظم تک تو میرے شب کے نالے جاتے ہیں
کیا چمکے اب فقط مری نالے کی شاعری
اس عہد میں ہے تیغ کی بھالے کی شاعری

جلیل مانک پوری

دن کی آہیں نہ گئیں رات کے نالے نہ گئے
میرے دل سوز مرے چاہنے والے نہ گئے

فانی بدایونی

بے زار ہو نہ جائے کہیں زندگی سے دل
تاثیر سے خفا مرے نالے ہوئے تو ہیں

کلیم عاجز

چھپتے گئے دلوں میں وہ بن کر غزل کے بول
میں ڈھونڈتا رہا مرے نالے کہاں گئے