مصحفی غلام ہمدانی

زلفِ معنبر اس نے جو کھولی تو یوں محفل ساری مہکی
آوے چمن سے موسمِ گل میں بادِ صبا کا جیسے جھونکا

باقی صدیقی

کوئی نغمہ تو در سے پیدا ہو
آپ ہوں یا ہوا کا جھونکا ہو

ادا جعفری

گل پر کیا کچھ بیت گئی ہے
البیلا جھونکا کیا جانے

احمد راہی

بادباں کھول کے بیٹھے ہیں سفینوں والے
پار اترنے کے لیے ہلکا سا جھونکا بھی نہیں

ثروت حسین

اسی جائے نماز و راز پہ اک روز ثروتؔ
اچانک در کھلے گا اور وہ جھونکا ملے گا

ناصر کاظمی

یوں گزری وہ رات سفر کی
جیسے خوشبو کا جھونکا تھا
آتی رت مجھے روئے گی
جاتی رت کا جھونکا ہوں