مصحفی غلام ہمدانی

یہ جو اپنے ہاتھ میں دامن سنبھالے جاتے ہیں
پیچھے پیچھے ان کے ، ان پر مرنے والے جاتے ہیں

شکیب جلالی

چلتے ہو سینہ تان کے دھرتی پہ کس لیے
تم آسماں تو سر پہ سنبھالے ہوئے نہیں

عرفان صدیقی

دل کا کیا ٹھیک ہے آنا ہے تو آ جا کہ ابھی
ہم یہ گرتی ہوئی دیوار سنبھالے ہوئے ہیں

سیف الدین سیف

موج کہتی ہے کہ میں سر سے گزر جاؤں گی
دل کا فرمان کہ پتوار سنبھالے رکھنا
اس قبیلے سے ہوں میں جس کا یہ دستور ہے سیفؔ
قتل گاہوں میں علم اپنے سنبھالے رکھنا

فانی بدایونی

مر کر ترے خیال کو ٹالے ہوئے تو ہیں
ہم جان دے کے دل کو سنبھالے ہوئے تو ہیں

قابل اجمیری

مدتوں ہم نے غم سنبھالے ہیں
اب تری یاد کے حوالے ہیں

کلیم عاجز

اٹھتے ہوؤں کو سب نے سہارا دیا کلیمؔ
گرتے ہوئے غریب سنبھالے کہاں گئے