مصحفی غلام ہمدانی

گر نہیں ہے وعدہ گہہ وہ کو تو کیوں راتوں کو لوگ
اس کے کوچے میں اندھیرے اور اجالے جاتے ہیں

عرفان صدیقی

جان و تن عشق میں جل جائیں گے ‘ جل جانے دو
ہم اسی آگ سے گھر اپنا اجالے ہوئے ہیں

زہرا نگاہ

تارے ماند ہوئے پر ذرے روشن ہیں
مٹی میں آباد اجالے اب بھی ہیں

سیف الدین سیف

مصلحت حرفِ صداقت پہ نہ ڈالے رکھنا
تم اندھیروں میں چھپا کر نہ اجالے رکھنا

قابل اجمیری

اے شبِ غم ذرا سنبھال کے رکھ
ہم تری صبح کے اجالے ہیں

محسن احسان

شب غنیمت تھی کہ یہ زخم نظارہ تو نہ تھا
ڈس گئے صبح تمنا کے اجالے مجھ کو

محسن نقوی

جگنو گہر چراغ اجالے تو دے گیا
وہ خود کو ڈھونڈنے کے حوالے تو دے گیا