مصحفی غلام ہمدانی

اول تو یہ دھج اور یہ رفتار غضب ہے
تس پہ ترے پازیب کی جھنکار غضب ہے

فیض احمد فیض

ہم سے بے بہرہ ہوئی اب جرسِ گل کی صدا
ورنہ واقف تھے ہر اک رنگ کی جھنکار سے ہم

جگر مراد آبادی

اک ایسی شان پیدا کر کہ باطل تھرتھرا اٹھے
نظر تلوار بن جائے نفس جھنکار ہو جائے
جو کوئی سن سکے تو نکہتِ گل
شکستِ رنگ کی جھنکار بھی ہے

شکیب جلالی

عہد و پیمانِ وفا‘ پیار کے نازک بندھن
توڑ دیتی ہے زر و سیم کی جھنکار یہاں

مصطفی زیدی

جرسِ گل نے کئی بار پکارا لیکن
لے گئی راہ سے زنجیر کی جھنکار مجھے

زہرا نگاہ

منصف کے لیے اذن سماعت پہ ہیں پہرے
اور عدل کی زنجیر میں جھنکار بہت ہے

جوش ملیح آبادی

ظالم یہ خموشی بے جا ہے اقرار نہیں انکار تو ہو
اک آہ تو نکلے توڑ کے دل نغمے نہ سہی جھنکار تو ہو

رسا چغتائی

ان کو بے حس جان نہ ساقی اول شب ہے بادہ نوش
رات ڈھلے محسوس کریں گے شیشے کی جھنکار بہت

شکیل بدایونی

اے عشق یہ سب دنیا والے بے کار کی باتیں کرتے ہیں
پائل کے غموں کا علم نہیں جھنکار کی باتیں کرتے ہیں
یہ عیش و طرب کے متوالے بے کار کی باتیں کرتے ہیں
پائل کے غموں کا علم نہیں جھنکار کی باتیں کرتے ہیں

شاذ تمکنت

شکستہ بت ہیں جبیں زخم زخم بت گر کی
سرہانے تیشہ کے لرزیدہ ہے کوئی جھنکار
ز فرق تا بہ قدم روپ رنگ کی جھنکار
تمام مہر و محبت تمام بوس و کنار
میں کہ پتھر سہی تعبیر صنم خانہ ہوں
تو مرا شعلۂ جاں تیشے کی جھنکار سے دیکھ

قتیل شفائی

قیدِ قفس کے بعد کرے گا قید گلستاں کون گوارا
اب بھی وہی زنجیریں ہیں گو پہلی سی جھنکار نہیں ہے
سوچ ابھی سے پھر کیا ہو گا بیت گئی جب رات ملن کی
ایک اداسی رہ جائے گی پائل کی جھنکار کے پیچھے
عجب اہل سماعت ہیں جو زنجیروں سے گھبرا کر
تری پازیب کی جھنکار سے آگے نہیں جاتے

مجروح سلطان پوری

اکتا کے ہم نے توڑی تھی زنجیر نام و ننگ
اب تک فضا میں ہے وہی جھنکار دیکھیے