مصحفی غلام ہمدانی

داغ سینے کے مرے طرفہ دکھاتے ہیں بہار
ہیں یہ بوئے ہوئے کس نخل طلسمات کے بیج
یاں روزِ سیاہ و شبِ تاریک ہے اور ہم
واں آئینۂِ باغ طلسمات ہے اور تو
جاتا ہوں جو مجلس میں شب اس رشک پری کی
آتا ہے نظر مجھ کو طلسمات کا عالم

عرفان صدیقی

کھلتے ہی نہیں لمس پہ اس جسم کے اسرار
سیاح عجب شہرِ طلسمات میں گم ہے

قتیل شفائی

راہنما تھا مرا اک سامری
کھو گیا میں شہرِ طلسمات میں

ناصر کاظمی

زلفِ شب رنگ کے صد راہوں میں
میں نے دیکھا ہے طلسمات کا چاند