مصحفی غلام ہمدانی

اس گلی میں جو میں اٹھا گاہے
پائے خوابیدہ مجھ کو سن سا لگا

امیر مینائی

ہے جوانی خود جوانی کا سنگھار
سادگی گہنا ہے اس سن کے لیے

قتیل شفائی

یہ مرا بجھتا سلگتا سن یہ میرے رات دن
کس طرح کٹتے بھلا تجھ بن یہ میرے رات دن

مجروح سلطان پوری

آبلہ پا کوئی گزرا تھا جو پچھلے سن میں
سرخ کانٹوں کی بہار آئی ہے اب کے بن میں

ناصر کاظمی

تنہا عیش کے خواب نہ بن
کبھی ہماری بات بھی سن
سکھ کی نیندیں سونے والے
محرومی کے راگ بھی سن