مصحفی غلام ہمدانی

گریہ دل کو نہ سوے چشم بہاؤ
ڈوبتی ہے بھنور میں جا کر ناؤ

احسان دانش

کچھ لوگ جو سوار ہیں کاغذ کی ناؤ پر
تہمت تراشتے ہیں ہوا کے دباؤ پر

فارغ بخاری

کہاں ہے گردشِ دوراں کدھر ہے سیلِ حوادث
سکون‌ مرگ مسلسل میں ڈوبنے لگی ناؤ

احمد فراز

اکیلے پار اتر کر یہ ناخدا نے کہا
مسافرو یہی قسمت شکستہ ناؤ کی تھی

قتیل شفائی

گرداب کے خونیں حلقوں سے جب کھیل چکی ہے ناؤ بھی
پتوار بدلنا کیا معنی؟ ملاحوں کو سمجھاؤ بھی