مصحفی غلام ہمدانی

ایک صورت کے لیے اس عشق میں
سیکڑوں صورت کی ہیں رسوائیاں
خواریاں بدنامیاں رسوائیاں
عشق نے شکلیں یہ سب دکھلائیاں

فارغ بخاری

کیا عدو کیا دوست سب کو بھا گئیں رسوائیاں
کون آ کر ناپتا احساس کی پہنائیاں

احمد فراز

پہلے پہل کا عشق ابھی یاد ہے فراز
دل خود یہ چاہتا تھا کہ رسوائیاں بھی ہوں

کیف بھوپالی

کو بہ کو میرے جنوں کی عظمتیں
اس کی محفل میں مری رسوائیاں
ہائے لوگوں کی کرم فرمائیاں
تہمتیں بدنامیاں رسوائیاں