مصحفی غلام ہمدانی

یک جنبشِ لب اس کی نے لاکھوں کو جلایا
عیسیٰ کو یہ قدرت تھی تم اعجاز تو دیکھو

مومن خان مومن

دیں پاکی دامن کی گواہی مرے آنسو
اس یوسف بے درد کا اعجاز تو دیکھو

فیض احمد فیض

اک سخن اور کہ پھر رنگِ تکلم تیرا
حرفِ سادہ کو عنایت کرے اعجاز کا رنگ

باقی صدیقی

لبِ خاموش بھی بول اٹھے ہیں
کچھ نہ کچھ وقت کا اعجاز تو ہے

عبید اللہ علیم

سو کرتبوں سے لکھا گیا ایک ایک لفظ
لیکن یہ جب اٹھا کسی اعجاز سے اٹھا

شاد عظیم آبادی

مدعی بستہ زباں کیوں نہ ہو سن کر مرے شعر
کیا چلے سحر کی جب صاحب اعجاز آیا
کس طرح موت کو سمجھوں نہ حیاتِ ابدی
آپ آئے کہ کوئی صاحب اعجاز آیا

عزیز حامد مدنی

باقی ابھی ہے تنگی و وسعت میں ایک فرق
اس کو بھی جنبشِ لب اعجاز سے اٹھا

فراق گورکھپوری

کوئی پیغام محبت لب اعجاز تو دے
موت کی آنکھ بھی کھل جائے گی آواز تو دے
برق آواز جلا دے یہ نیستان جہاں
سازِ ہستی سے ہے ساز لب اعجاز جدا

قتیل شفائی

چھلکے نہ سبو اور جھوم اٹھیں قطرہ نہ ملے اور پیاس بجھے
یہ ظرف ہے پینے والوں کا ساقی کا کوئی اعجاز نہیں