مصحفی غلام ہمدانی

قریات ہند کا اب یہ رنگ ہے کہ کوسوں
جاوے کوئی جدھر کو اجڑے نگر پڑے ہیں

جون ایلیا

خلوت ناز اور آئینہ
خود نگر کو ہے خود نگر درپیش

عرفان صدیقی

میرا میدان غزل نیزہ و سر کا ٹھہرا
رہنے والا جو شہیدوں کے نگر کا ٹھہرا

جمال احسانی

کسی بھی دشت کسی بھی نگر چلا جاتا
میں اپنے ساتھ ہی رہتا جدھر چلا جاتا

احسان دانش

خوشبو سے معطر ہے ابھی تک وہ گزر گاہ
صدیوں سے یہاں جیسے بہاروں کا نگر تھا

ادا جعفری

میں خود ہی روز تمنا میں آپ شامِ فراق
عجب نہیں جو اکیلی بھرے نگر میں رہوں

علی سردار جعفری

تمام دولتِ کونین ہے خراج اس کا
یہ دل نہیں کسی لوٹے ہوئے نگر کی طرح

ماجد صدیقی

جگمگائیں گے نگر آخرِ شب
چاند ابھرے گا مگر آخرِ شب

ثروت حسین

تیری آشفتہ مزاجی اے دل
کیا خبر کون نگر لے جائے

رسا چغتائی

دیکھ کر ان پری نژادوں کو
آئنہ خود نگر رہے گا کیا

اختر ہوشیارپوری

کیا پوچھتے ہو مجھ سے کہ میں کس نگر کا تھا
جلتا ہوا چراغ مری رہگزر کا تھا
چہرے پہ اڑتی گرد تھی بالوں میں راکھ تھی
شاید وہ ہم سفر مرے اجڑے نگر کا تھا
جاگا تو ماہتاب کی کنجی سرہانے تھی
میں خواب میں تھا جب مجھے روشن نگر دیا
اپنے قدموں کے نشاں بھی بند کمروں میں رہے
طاقچوں پر بھی دیئے خالی نگر میں رہ گئے

احمد فراز

جاناں دل کا شہر نگر افسوس کا ہے
تیرا میرا سارا سفر افسوس کا ہے

قتیل شفائی

برسات میں کوئل سی جہاں کوک رہی تھی
آباد وہ خوابوں کا نگر ہے کہ نہیں ہے

محسن احسان

دکھوں کے دشت غموں کے نگر میں چھوڑ آئے
وہ ہم سفر کہ جنہیں ہم سفر میں چھوڑ آئے

ناصر کاظمی

میں بھٹکتا پھرتا ہوں دیر سے یونہی شہر شہر نگر نگر
کہاں کھو گیا مرا قافلہ کہاں رہ گئے مرے ہم سفر
یہ زمیں کس کے انتظار میں ہے
کیا خبر کیوں ہے یہ نگر خاموش