مصحفی غلام ہمدانی

مسی کی دھڑی اس کی نظروں سے جو ہے غائب
یارب وہ سیہ بدلی کیدھر کو برستی ہے

یگانہ چنگیزی

چتونوں سے ملتا ہے کچھ سراغ باطن کا
چال سے تو کافر پر سادگی برستی ہے
دیدنی ہے یاسؔ اپنے رنج و غم کی طغیانی
جھوم جھوم کر کیا کیا یہ گھٹا برستی ہے

اسرار الحق مجاز

سب سے گریزاں سب پر برستی
آنکھوں کی مستی مہنگی نہ سستی

جلیل مانک پوری

وہ میکش ہوں کہ آتا ہے جو لب پر نام توبہ کا
تو مجھ پر جوش میں آ کر گھٹا کیا کیا برستی ہے
جلیلؔ استاد کا کہنا سنو باندھو کمر تم بھی
عجب بستی مدینہ ہے جہاں رحمت برستی ہے

سیف الدین سیف

جان کا روگ ہے یہ گریۂ غم
عمر بھر یہ گھٹا برستی ہے
جس طرح چاندنی مزاروں پر
دل پہ یوں بے کسی برستی ہے

فانی بدایونی

آنسو تھے سو خشک ہوئے جی ہے کہ امڈا آتا ہے
دل پہ گھٹا سی چھائی ہے کھلتی ہے نہ برستی ہے

امیر مینائی

سر راہِ عدم گورِ غریباں طرفہ بستی ہے
کہیں غربت برستی ہے کہیں حسرت برستی ہے
تری مسجد میں واعظ، خاص ہیں اوقات رحمت کے
ہمارے میکدے میں رات دن رحمت برستی ہے