مصحفی غلام ہمدانی

بلبل کو قفس سے کب صیاد تو چھوڑے گا
نظارۂِ گل کو یہ ہر سال ترستی ہے

یگانہ چنگیزی

حسنِ بے تماشا کی دھوم کیا معما ہے
کان بھی ہیں نامحرم آنکھ بھی ترستی ہے

اسرار الحق مجاز

وہ آ بھی جاتے وہ ہو بھی جاتے
چشم تمنا پھر بھی ترستی

جلیل مانک پوری

یہ کہنا اس سے اے قاصد جو محو خود پرستی ہے
کہ تیرے دیکھنے کو آنکھ مدت سے ترستی ہے

فانی بدایونی

فانیؔ جس میں آنسو کیا دل کے لہو کا کال نہ تھا
ہائے وہ آنکھ اب پانی کی دو بوندوں کو ترستی ہے