مصطفٰیٰ خان شیفتہ

آس کی زلفوں کا نہ ہو دھیان تو اے شیفتہ پھر
اس شبِ ہجر میں ہے کون نگہباں میرا

قمر جلالوی

اپنے دیوانوں کو تم روکو بہاریں آ گئیں
اب کنارہ باب زنداں سے نگہباں کر چلے

احسان دانش

عشق کب اپنے مقاصد کا نگہباں نہ ہوا
کون سا غم ہے جو آخر غمِ جاناں نہ ہوا

ضیا جالندھری

گرد باد آئیں کہ گرداب، بیاباں ہو کہ بحر
زندگی ہوتی ہے آپ اپنی نگہباں بابا

حفیظ ہوشیارپوری

تیرے جلووں سے جو محروم رہے ہیں اب تک
وہی آخر ترے جلووں کے نگہباں ہوں گے

شاد عظیم آبادی

مست جاتے ہیں خرابات سے مسجد کی طرف
راہ پر شور ہے اللہ نگہباں ان کا