مصطفٰی خان شیفتہ

شیشہ اتار، شکوے کو بالائے طاق رکھ
کیا اعتبار زندگی بے ثبات کا

الطاف حسین حالی

یوں ہی گزرے تو سہل ہے لیکن
فرصت غم کو بھی ثبات نہیں

اقبال ساجد

لگا دی کاغذی ملبوس پر مہر ثبات اپنی
بشر کے نام کر دی ہے خدا نے کائنات اپنی

فراق گورکھپوری

جینا جو آ گیا تو اجل بھی حیات ہے
اور یوں تو عمرِ خضر بھی کیا بے ثبات ہے
ہستی بجز فنائے مسلسل کے کچھ نہیں
پھر کس لیے یہ فکر قرار و ثبات ہے
شام ابد کو جلوۂ صبحِ بہار دے
روداد چھیڑ زندگی بے ثبات کی
زماں مکاں ہے فقط مد و جزر جوش حیات
بس ایک موج کی ہیں جھلکیاں قرار و ثبات

محبوب خزاں

کیا ہوئیں روایتیں اب ہیں کیوں شکایتیں
عشق نامراد سے حسنِ بے ثبات کو