مرزا غالب

گزری نہ بہرحال یہ مدت خوش و نا خوش
کرنا تھا جواں مرگ گزارا کوئی دن اور

میر انیس

فقیروں کی مجلس ہے سب سے جدا
امیروں کا یاں تک گزارا نہیں

باقی صدیقی

کس طرح کٹے گی رات باقیؔ
دن تو کسی طور سے گزارا

عرفان صدیقی

اس نے پوچھا تھا کہ سر بیچنے والا ہے کوئی
ہم نے سر نامۂ جاں نذر گزارا ہے کہ ہم

مجید امجد

پھر لوٹ کر نہ آیا، زمانے گزر گئے
وہ لمحہ جس میں ایک زمانہ گزارا تھا

اختر شیرانی

غمِ الفت جو نہ ملتا غمِ ہستی ملتا
کسی صورت تو زمانے میں گزارا ہوتا

عبید اللہ علیم

ہجر کرتے یا کوئی وصل گزارا کرتے
ہم بہرحال بسر خواب تمہارا کرتے

ثروت حسین

روشن ہے مری عمر کے تاریک چمن میں
اس کنج ملاقات میں جو وقت گزارا

حسرت موہانی

ہم نے کس دن ترے کوچے میں گزارا نہ کیا
تو نے اے شوخ مگر کام ہمارا نہ کیا