مومن خان مومن

آتا نہیں ہے وہ تو کسی ڈھب سے داؤ میں
بنتی نہیں ہے ملنے کی اس کے کوئی طرح

جگر مراد آبادی

آج کیا حال ہے یا رب سرِ محفل میرا
کہ نکالے لیے جاتا ہے کوئی دل میرا

جلیل مانک پوری

شبنم نہیں گلوں پہ یہ قطرے ہیں اشک کے
گزرا ہے کوئی دیدۂ پر نم لیے ہوئے

احمد فراز

خود کلامی میں کب یہ نشہ تھا
جس طرح روبرو کوئی ہے ابھی

ناصر کاظمی

گھر کے دیوار و در راہ تک تک کے شل ہو گئے
اب نہ آئے گا شاید کوئی سو رہو سو رہو
بازار بند راستے سنسان بے چراغ
وہ رات ہے کہ گھر سے نکلتا نہیں کوئی
گا رہا تھا کوئی درختوں میں
رات نیند آ گئی درختوں میں