مومن خان مومن

ہو گیا رازِ عشق بے پردہ
اس نے پردے سے جو نکالا منہ

عرفان صدیقی

اس شناور نے بھنور سے نہ نکالا مجھ کو
جانے کس موج عنایت نے سنبھالا مجھ کو

جلیل مانک پوری

تم نے ارمان ہمارا نہ نکالا نہ سہی
اپنے خنجر کا تو ارمان نکالا ہوتا

رسا چغتائی

آدمی کس کمال کا ہو گا
جس نے تصویر سے نکالا مجھے

نوح ناروی

وہ کہتے ہیں آؤ مری انجمن میں مگر میں وہاں اب نہیں جانے والا
کہ اکثر بلایا بلا کر بٹھایا بٹھا کر اٹھایا اٹھا کر نکالا
مرا درد پوچھا مرا حال دیکھا مرے دل کا ارمان تم نے نکالا
خدا اور بھی دے زیادہ مراتب سوا اور اس سے بھی ہو بول بالا
وہ آئے تھے پہلو میں بے ہوش تھا میں ہوئی ہو گی دل پر بہت کچھ نوازش
مگر کیا خبر مجھ کو اللہ جانے تمنا نکالی کہ کانٹا نکالا