فیض احمد فیض

غمِ جہاں ہو، غمِ یار ہو کہ تیرِ ستم
جو آئے ، آئے کہ ہم دل کشادہ رکھتے ہیں
کہ ایک دن پھر نظر میں آئے
وہ بامِ روشن، وہ در کشادہ

جون ایلیا

بہت دل کو کشادہ کر لیا کیا
زمانے بھر سے وعدہ کر لیا کیا

شکیب جلالی

اب آپ رہِ دل جو کشادہ نہیں رکھتے
ہم بھی سفرِ جاں کا ارادہ نہیں رکھتے

ادا جعفری

ابھی روشنی کی لکیر سی سرِ رہ گزار ہے جاں بہ لب
کسی دل کی آس مٹی نہیں کہیں اک دریچہ کشادہ ہے

احمد فراز

لعل سے لب چراغ سی آنکھیں
ناک ستواں جبیں کشادہ تھی
کچھ اپنے دوست بھی ترکش بدوش پھرتے ہیں
کچھ اپنا دل بھی کشادہ ہے کیا کیا جائے
کچھ تو وہ حسن پشیماں ہے جفا پر اپنی
اور کچھ اس کے لیے دل تھا کشادہ یوں بھی

اقبال ساجد

آباد ہوئے جب سے یہاں تنگ نظر لوگ
اس شہر نے ماحول کشادہ نہیں پہنا