فیض احمد فیض

جو ہم پہ گزری سو گزری مگر شبِ ہجراں
ہمارے اشک تری عاقبت سنوار چلے

باقی صدیقی

اب محبت کا یہ تقاضا ہے
کاکلوں کی طرح سنوار ہمیں

مصطفی زیدی

کسی تو کام زمانے کے سوگوار آئے
تجھے جو پا نہ سکے زیست کو سنوار آئے

بشیر بدر

ابھی اس طرف نہ نگاہ کر میں غزل کی پلکیں سنوار لوں
مرا لفظ لفظ ہو آئینہ تجھے آئنے میں اتار لوں

اختر امام رضوی

میں اپنے سوچ کے ہم زاد کا پجاری تھا
ترا جلال مری عاقبت سنوار گیا