مرزا غالب

غم اس کو حسرتِ پروانہ کا ہے اے شعلہ
ترے لرزنے سے ظاہر ہے ناتوانیِ شمع

حیدر علی آتش

کمر یار ہو گئی غائب
سن کے دھوم اپنی ناتوانی کی
یقیں ہے دیدۂِ باریک بیں کو
کرے عینک طلب یہ ناتوانی

مصحفی غلام ہمدانی

تیرے کوچے سے مانع رفتار
ہم کو اپنی ہی ناتوانی ہے

امیر مینائی

ناز اٹھانے کا ہے اس کے حوصلہ اے جان زار
اب تلک تجھ کو ہے زور ناتوانی پر گھمنڈ
عاشق و معشوق اپنے اپنے عالم میں ہیں مست
واں نزاکت پر تو یاں ہے ناتوانی پر گھمنڈ

نوح ناروی

فغاں تو آخر فغاں ہی ٹھہری گلہ تو آخر گلہ ہی ٹھہرا
محال ہے جس میں سانس لینی وہ ناتوانی ہے اور ہم ہیں