فیض احمد فیض

آؤ کریں محفل پہ زرِ زخم نمایاں
چرچا ہے بہت بے سر و سامانی دل کا

جگر مراد آبادی

نگاہوں کو خزاں نا آشنا بننا تو آ جائے
چمن جب تک چمن ہے جلوہ سامانی نہیں جاتی
گئے وہ دن کہ دل سرمایہ دار درد پیہم تھا
مگر آنکھوں کی اب تک میر سامانی نہیں جاتی
مجھے تو کر دیا سیراب ساقی نے مرے لیکن
مری سیرابیوں کی تشنہ سامانی نہیں جاتی

عرفان صدیقی

کب سے راضی تھا بدن بے سر و سامانی پر
شب میں حیران ہوا خون کی طغیانی پر
ہاتھ میں موجِ ہوا پاؤں تلے ریگِ رواں
سرو ساماں ہے بہت‘ بے سرو سامانی سا

مصطفیٰ زیدی

مجھ کو اس شہر سے کچھ دور ٹھہر جانے دو
میرے ہمراہ مری بے سر و سامانی ہے

احسان دانش

بخش دی حالِ زبوں نے جلوہ سامانی مجھے
کاش مل جائے زمانے کی پریشانی مجھے

عبید اللہ علیم

ہم نے کھلنے نہ دیا بے سر و سامانی کو
کہاں لے جائیں مگر شہر کی ویرانی کو

علی سردار جعفری

عقیدے بجھ رہے ہیں شمع جاں گل ہوتی جاتی ہے
مگر ذوق جنوں کی شعلہ سامانی نہیں جاتی

تلوک چند محروم

دشت ہستی میں رواں ہوں مدعا کچھ بھی نہیں
کب ہوئی محتاج لیلے ٰ قیس سامانی مری

ثروت حسین

صبح کے شور میں ناموں کی فراوانی میں
عشق کرتا ہوں اسی بے سر و سامانی میں

حسرت موہانی

رہ گیا جل کے تری بزم میں پروانہ جو رات
کھینچ گئی شکل مری سوختہ سامانی کی