فیض احمد فیض

’’آپ کی یاد آتی رہی رات بھر‘‘
چاندنی دل دکھاتی رہی رات بھر

مرزا رفیع سودا

دھوم سے سنتے ہیں اب کی سال آتی ہے بہار
دیکھیے کیا کچھ ہمارے سر پہ لاتی ہے بہار
کیوں پھنسا گلشن میں یوں جا کر عبث سودا تو اب
میں نہ کہتا تھا تجھے وہ دیکھ آتی ہے بہار

جون ایلیا

کیا ستم ہے کہ اب تری صورت
غور کرنے پہ یاد آتی ہے

عبدالحمید عدم

شعلۂ غم کی لپک اور مرا نازک سا مزاج
مجھ کو فطرت کے رویے پہ ہنسی آتی ہے
سو بھی جا اے دل مجروح بہت رات گئی
اب تو رہ رہ کے ستاروں کو بھی نیند آتی ہے
آج پھر روح میں اک برق سی لہراتی ہے
دل کی گہرائی سے رونے کی صدا آتی ہے

عرفان صدیقی

کسی شام کو پھر سنیں گے یہی منتظر کان، مانوس قدموں کی چاپ
سڑک صرف بستی سے باہر ہی جاتی نہیں گھر تک آتی بھی ہے چپ رہو

اسرار الحق مجاز

یہ تیرگیِ شب ہی کچھ صبح طراز آتی
خود وعدۂ فردا کی چھاتی بھی دھڑک جاتی
ہونٹوں پہ ہنسی پیہم آتے ہوئے شرماتی
اب رات نہیں کٹتی اب نیند نہیں آتی
جو اول و آخر تھا وہ اول و آخر ہے
میں نالہ بجاں اٹھتا وہ نغمہ بساز آتی
سوز شبِ ہجراں پھر سوز شبِ ہجراں ہے
شبنم بہ مژہ اٹھتی یا زلفِ دراز آتی

بیان میرٹھی

کب بجھے اس طرح ہے شوق شہادت کی یہ پیاس
زخم کے منہ میں زباں بن کر نکل آتی ہے تیغ