مرزا رفیع سودا

کوئی ہی مور ہے تو رہے اس میں شیخ جی
داڑھی پڑی ہے شانے کے اب ہاتھ بے طرح

عبید اللہ علیم

اہلِ زمیں نے کون سا ہم پر ظلم نہیں ڈھایا
کون سی نصرت ہم نے اس کے ہاتھ نہیں دیکھی

غلام محمد قاصر

حسن نے خود کہا مصور سے
پاؤں پر میرے کوئی ہاتھ بنا
وہ بے دلی میں کبھی ہاتھ چھوڑ دیتے ہیں
تو ہم بھی سیر سماوات چھوڑ دیتے ہیں

سید ضمیر جعفری

اب اک رومال میرے ساتھ کا ہے
جو میری والدہ کے ہاتھ کا ہے
ہر ابھرتی لو سے روشن ہو گیا میرا ضمیرؔ
بک گیا ہر مسکراتی روشنی کے ہاتھ میں

قتیل شفائی

ہاتھ دیا اس نے مرے ہاتھ میں
میں تو ولی بن گیا اک رات میں

مجروح سلطان پوری

بچا کے لائے ہم اے یار پھر بھی نقد وفا
اگرچہ لٹتے رہے رہزنوں کے ہاتھ چلے
بھلا ہی بیٹھے جب اہلِ حرم تو اے مجروحؔ
بغل میں ہم بھی لیے اک صنم کا ہاتھ چلے