مرزا غالب

زخم پر چھڑکیں کہاں طفلان بے پروا نمک
کیا مزا ہوتا ، اگر پتھر میں بھی ہوتا نمک

مصحفی غلام ہمدانی

ایک دن اس کے میںِ در تک جو گیا
یہ سمجھ دیکھوں تو ہوتا کیا ہے

باقی صدیقی

یہ بھی تو پہلو ہے اک حالات کا
لوگ جو کہتے ہیں وہ ہوتا نہیں

غلام محمد قاصر

تیرے بخشے ہوئے اک غم کا کرشمہ ہے کہ اب
جو بھی غم ہو مرے معیار سے کم ہوتا ہے
یہ بھی اک رنگ ہے شاید مری محرومی کا
کوئی ہنس دے تو محبت کا گماں ہوتا ہے

جلیل مانک پوری

زمانے پر ہنسے کوئی کہ روئے
جو ہونا ہے وہ ہوتا جا رہا ہے

جوش ملیح آبادی

ادھر تیری مشیت ہے ادھر حکمت رسولوں کی
الٰہی آدمی کے باب میں کیا حکم ہوتا ہے

حفیظ جالندھری

کیوں ہجر کے شکوے کرتا ہے کیوں درد کے رونے روتا ہے
اب عشق کیا تو صبر بھی کر اس میں تو یہی کچھ ہوتا ہے

فراق گورکھپوری

فطرت حسن تو معلوم ہے تجھ کو ہمدم
چارہ ہی کیا ہے بجز صبر سو ہوتا بھی نہیں
ایسی باتوں سے بدلتی ہے کہیں فطرت حسن
جان بھی دے دے اگر کوئی تو کیا ہوتا ہے
حسن سر تا پا تمنا عشق سر تا سر غرور
اس کا اندازہ نیاز و ناز سے ہوتا نہیں

کیف بھوپالی

صرف اتنے جرم پر ہنگامہ ہوتا جائے ہے
تیرا دیوانہ تری گلیوں میں دیکھا جائے ہے