یگانہ چنگیزی

دو گھونٹ بھی نہ پی سکے اور آنکھ کھل گئی
پھر بزمِ عیش تھی نہ وہ جام سرور تھا

باقی صدیقی

مئے الفت کی بات کیا باقیؔ
اور ہی کچھ سرور ہوتا ہے

جگر مراد آبادی

ہر وقت اک خمار تھا ہر دم سرور تھا
بوتل بغل میں تھی کہ دلِ ناصبور تھا
ساقی کی چشمِ مست کا کیا کیجیے بیان
اتنا سرور تھا کہ مجھے بھی سرور تھا
اس چشمِ مے فروش سے کوئی نہ بچ سکا
سب کو بقدر حوصلۂ دل سرور تھا

عبدالحمید عدم

ہلکا ہلکا سرور ہے ساقی
بات کوئی ضرور ہے ساقی
تیری آنکھیں کسی کو کیا دیں گی
اپنا اپنا سرور ہے ساقی

عرفان صدیقی

تابندہ ہے دلوں میں لہوِ روشنائی سے
دنیا کے نام نامۂ سرور لکھا ہوا