یگانہ چنگیزی

کیوں نہ سینے سے لگی رہتی امانت تیری
داغِ دل کیوں نہ ہمیں جان سے پیارا ہوتا

عرفان صدیقی

آج تک معرکۂ صبر و ستم جاری ہے
کون جانے یہ تماشا اسے پیارا ہے کہ ہم

شکیل بدایونی

مری زندگی ہے ظالم ترے غم سے آشکارا
ترا غم ہے در حقیقت مجھے زندگی سے پیارا

احمد فراز

تجھ سے بڑھ کر کوئی نادان نہیں ہو گا فراز
دشمنِ جاں کو بھی تو جان سے پیارا جانے
وہ دشمنِ جاں جان سے پیارا بھی کبھی تھا
اب کس سے کہیں کوئی ہمارا بھی کبھی تھا

فراق گورکھپوری

کتنے سفاک سر قتل گہہ عالم تھے
لاکھوں میں بس وہی اللٰہ کا پیارا نکلا

کیف بھوپالی

تیرا چہرہ صبح کا تارا لگتا ہے
صبح کا تارا کتنا پیارا لگتا ہے

محسن نقوی

اپنی شہ رگ کا لہو تن میں رواں ہے جب تک
زیر خنجر کوئی پیارا نہیں دیکھا جاتا