باقی صدیقی

کچھ اس قدر تھا نمایاں خزاں میں رنگ حیات
میں تشنہ کام بہاروں کا ساتھ دے نہ سکا
تری نظر ہی کا اب انتظار لازم ہے
تری نظر ہی بہاروں کو ساتھ لائے گی

عبدالحمید عدم

ہوا سنکے تو خاروں کو بڑی تکلیف ہوتی ہے
مرے غم کی بہاروں کو بڑی تکلیف ہوتی ہے

ظہیر کاشمیری

انہیں کی حسرت رفتہ کی یادگار ہوں میں
جو لوگ رہ گئے تنہا بھری بہاروں میں

سیف الدین سیف

حسین راتوں جمیل تاروں کی یاد سی رہ گئی ہے باقی
کچھ اپنی اجڑی ہوئی بہاروں کی یاد سی رہ گئی ہے باقی

سلام مچھلی شہری

وہ میں ہوں جس نے شعلۂ ساغر اچھال کر
کی ہے خزاں کی بات بہاروں کے شہر میں

شکیل بدایونی

نظر نواز نظاروں میں جی نہیں لگتا
وہ کیا گئے کہ بہاروں میں جی نہیں لگتا
کچھ اس قدر ہے غمِ زندگی سے دل مایوس
خزاں گئی تو بہاروں میں جی نہیں لگتا