باقی صدیقی

کہاں تہاری تمنا، کہاں سحر کی نمود
مریضِ ہجر ستاروں کا ساتھ دے نہ سکا
تو آنے والے زمانے کا غم نہ کر باقیؔ
کہ رات اپنے ستاروں کو ساتھ لائے گی

عبدالحمید عدم

آتا ہے کون درد کے ماروں کے شہر میں
رہتے ہیں لوگ چاند ستاروں کے شہر میں

سیف الدین سیف

وہ شام سے آرزو سحر کی وہ بے کلی رات رات بھر کی
ان آشنا آشنا ستاروں کی یاد سی رہ گئی ہے باقی

سلام مچھلی شہری

پھولوں کے دیس چاند ستاروں کے شہر میں
برباد ہو رہا ہوں نگاروں کے شہر میں

شکیل بدایونی

فسانۂ شبِ غم ختم ہونے والا ہے
شکیلؔ چاند ستاروں میں جی نہیں لگتا

کیف بھوپالی

ہم ان کو چھین کر لائے ہیں کتنے دعوے داروں سے
شفق سے چاندنی راتوں سے پھولوں سے ستاروں سے