باقی صدیقی

آپ سے آشنائی کرتے ہیں
بات اپنی پرائی کرتے ہیں
لو غم آشنائی دینے لگا
میں جہاں کو دکھائی دینے لگا

الطاف حسین حالی

دھوم تھی اپنی پارسائی کی
کی بھی اور کس سے آشنائی کی
شہر و دریا سے باغ و صحرا سے
بو نہیں آتی آشنائی کی

عبید اللہ علیم

مجھے کمالِ سخن سے نوازنے والے
سماعتوں کو بھی اب ذوق آشنائی دے

فانی بدایونی

قطرہ دریائے آشنائی ہے
کیا تری شان کبریائی ہے

اختر ہوشیارپوری

وہ جو دیوار آشنائی تھی
اپنی ہی ذات کی اکائی تھی
اب تو آنکھوں میں اپنا چہرہ ہے
کبھی شیشے سے آشنائی تھی
اپنی آواز سے بھی ڈرتا تھا
ہائے کیا چیز آشنائی تھی

احمد فراز

تج دیا تھا کل جن کو ہم نے تیری چاہت میں
آج ان سے مجبوراً تازہ آشنائی کی
ترک کر چکے قاصد کوئے نامراداں کو
کون اب خبر لاوے شہر آشنائی کی
جو ٹھن گئی ہے تو یاری پہ حرف کیوں آئے
حریف جاں کو کبھی طعن آشنائی نہ دوں

شاذ تمکنت

غضب ہے ٹوٹ کے چاہا تھا شاذؔ نے جس کو
سنا یہ رسم بھی تھی صورت آشنائی تک