باقی صدیقی

وہ رنگ نہیں شعلہ احساس میں باقیؔ
ہم ساز تمنا سے ہم آہنگ نہیں کیا

عرفان صدیقی

اس نے کیا سوچ کے چھیڑا تھا‘ میں کیا بول اٹھا
تار کوئی غلط آہنگ بہت ہے مجھ میں

ظہیر کاشمیری

ہم ان کی بزمِ ناز میں یوں چپ ہوئے ظہیرؔ
جس طرح گھٹ کے ساز میں آہنگ رہ گیا

عزیز حامد مدنی

صورت زنجیر موجِ خوں میں اک آہنگ ہے
آ گہی کی حد پہ اک خواب جنوں کی جنگ ہے
بوئے گل رخصت ہوئی شاید یہ ہو ختم بہار
ٹوٹتی لے میں بکھرتی صوت شب آہنگ ہے

قتیل شفائی

راز میں رہ نہ سکے گی کوئی اظہار کی لے
اک نہ اک صورت آہنگ دکھائی دے گی