باقی صدیقی

دھواں دھواں سی ہے کھیتوں کی چاندنی باقیؔ
کہ آگ شہر کی اب آ گئی ہے گاؤں میں
خبر کچھ ایسی اڑائی کسی نے گاؤں میں
اداس پھرتے ہیں ہم بیریوں کی چھاؤں میں

شکیب جلالی

میٹھے چشموں سے ‘ خنک چھاؤں سے دور
زخم کھلتے ہیں ترے گاؤں سے دور

جمال احسانی

ایک فقیر چلا جاتا ہے پکی سڑک پر گاؤں کی
آگے راہ کا سناٹا ہے پیچھے گونج کھڑاؤں کی

فارغ بخاری

کچی کلیاں پکی فصلیں سر چھپائیں گی کہاں
آگ شہروں کی لپک کر آ رہی ہے گاؤں میں
جنگل اگا تھا حدِ نظر تک صداؤں کا
دیکھا جو مڑ کے نقشہ ہی بدلا تھا گاؤں کا