باقی صدیقی

نہ وہ آئے نہ تو نے چین لیا
اے دل بیقرار مان گئے

احسان دانش

گزر چکی ہیں جو احسانؔ ان کی محفل میں
انہیں قرار کی گھڑیوں نے بیقرار کیا

بہزاد لکھنوی

اک بے وفا کو پیار کیا ہائے کیا کیا
خود دل کو بیقرار کیا ہائے کیا کیا

جوش ملیح آبادی

وہ صبر دے کہ نہ دے جس نے بیقرار کیا
بس اب تمہیں پہ چلو ہم نے انحصار کیا

سیماب اکبر آبادی

روزِ فراق ہر طرف اک انتشار تھا
میں بے قرار تھا تو جہاں بیقرار تھا

امیر مینائی

وہ مزا دیا تڑپ نے کہ یہ آرزو ہے یارب
مرے دونوں پہلوؤں میں دل بیقرار ہوتا

ناصر کاظمی

کسی کا درد ہو دل بیقرار اپنا ہے
ہوا کہیں کی ہو سینہ فگار اپنا ہے