جون ایلیا

وہ جو تعمیر ہونے والی تھی
لگ گئی آگ اس عمارت میں

مجید امجد

نظامِ کہنہ کے سائے میں عافیت سے نہ بیٹھ
نظامِ کہنہ تو گرتی ہوئی عمارت ہے

بشیر بدر

کبھی کبھی کوئی انسان ایسا لگتا ہے
پرانے شہر میں جیسے نئی عمارت ہے
اداسی پت جھڑوں کی شام اوڑھے راستہ تکتی
پہاڑی پر ہزاروں سال کی کوئی عمارت سی

اقبال ساجد

پرانی سیڑھیوں پر میں نئے قدموں کو کیوں رکھوں
گراؤں کس لیے چھت سر پہ بوسیدہ عمارت کی