جون ایلیا

سینہ دہک رہا ہو تو کیا چپ رہے کوئی
کیوں چیخ چیخ کر نہ گلا چھیل لے کوئی

جگر مراد آبادی

پایا جاتا ہے تری شوخی رفتار کا رنگ
کاش پہلو میں دھڑکتا ہی رہے دل میرا

حفیظ جالندھری

اس نئے حسن کی بھی اداؤں پہ ہم
مر مٹیں گے بشرطیکہ زندہ رہے
تیری دنیا میں آئے بہت دن رہے
سکھ یہ پایا کہ ہم نے بہت دکھ سہے

اختر ہوشیارپوری

کوئی تفصیل ہم سے پوچھنا ہو پوچھ لیجے
کہ ہم بھی آئینے کے سامنے برسوں رہے ہیں
ہوا اپنے ہی جھونکوں کا تعاقب کر رہی ہے
کہ اڑتے پتے پھر آنکھوں سے اوجھل ہو رہے ہیں

ناصر کاظمی

صدائیں آتی ہیں اجڑے ہوئے جزیروں سے
کہ آج رات نہ کوئی رہے کنارے پر
اس انقلاب کی شاید خبر نہ تھی ان کو
جو ناؤ باندھ کے سوتے رہے کنارے پر