جون ایلیا

خبر کیا دوں میں شہر رفتگاں کی
کوئی لوٹے بھی شہر رفتگاں سے

مجید امجد

ضمیرِ خاک میں خفتہ ہے میرا دل امجد
کہ نیند مجھ کو ملی خواب رفتگاں کے لیے

جمال احسانی

دل میں یاد رفتگاں آباد ہے
ورنہ یہ دل بھی کہاں آباد ہے

محسن احسان

غضب ہے مجھ سے توقع زمانہ رکھتا ہے
کہ پا شکستگی میں رنج‌ رفتگاں نہ کروں

ناصر کاظمی

ہر نفس شوق بھی ہے منزل کا
ہر قدم یاد رفتگاں بھی ہے
کیوں غمِ رفتگاں کرے کوئی
فکرِ واماندگاں کرے کوئی
رونقیں تھیں جہاں میں کیا کیا کچھ
لوگ تھے رفتگاں میں کیا کیا کچھ
آ کے منزل پہ آنکھ بھر آئی
سب مزہ رفتگاں نے چھین لیا