جون ایلیا

نوائیں نکہتیں آسودہ چہرے دل نشیں رشتے
مگر اک شخص اس ماحول میں کیا سوچتا ہو گا

رئیس فروغؔ

عجب نہیں جو مجھی پر وہ بات کھل جائے
برائے نام سہی سوچتا تو میں بھی ہوں

غلام محمد قاصر

سب سے کٹ کر رہ گیا خود میں سمٹ کر رہ گیا
سلسلہ ٹوٹا کہاں سے سوچتا بھی میں ہی تھا

رسا چغتائی

ترے نزدیک آ کر سوچتا ہوں
میں زندہ تھا کہ اب زندہ ہوا ہوں
وہ پہروں آئینہ کیوں دیکھتا ہے
مگر یہ بات میں کیوں سوچتا ہوں

اختر ہوشیارپوری

زمیں کے سینے میں سورج کہاں سے اترے ہیں
فلک پہ دور کوئی بیٹھا سوچتا تھا بہت

شاذ تمکنت

میں لوٹ آؤں کہیں تو یہ سوچتا ہی نہ ہو
کہ رات دیر گئے تیرا در کھلا ہی نہ ہو