جون ایلیا

گزراں ہیں گزرتے رہتے ہیں
ہم میاں جان مرتے رہتے ہیں

عرفان صدیقی

تم نے یہ لمحہ گزرتے ہوئے دیکھا ہے کبھی
چاہنے والوں کو مرتے ہوئے دیکھا ہے کبھی

مجید امجد

میں ان کے تصور میں کھویا رہا
گزرتے گئے دن گزرتے گئے

امیر مینائی

قیامت دور، تنہائی کا عالم، روح پر صدمہ
ہمارے دن لحد میں دیکھیے کیوں کر گزرتے ہیں

شاذ تمکنت

جن زخموں پر تھا ناز ہمیں وہ زخم بھی بھرتے جاتے ہیں
سانسیں ہیں کہ گھٹتی جاتی ہیں دن ہیں کہ گزرتے جاتے ہیں

ناصر کاظمی

ترے بغیر وہ دن بھی گزر گئے آخر
ترے بغیر یہ دن بھی گزرتے جاتے ہیں