میر انیس

شوخی چشم کا تو کس کی ہے دیوانہ انیسؔ
آنکھیں ملتا ہے جو یوں نقش کف آہو سے

عرفان صدیقی

ہم سخن ہوتا ہے صحرا کا وہ آہو ہم سے
پوچھئے دور کی آواز کا جادو ہم سے

اکبر معصوم

جب خیمۂ خیال میں تصویر ہے وہی
وہ دشت نا مراد وہ آہو کہاں گیا

بشیر بدر

ان دنوں آپ کا عالم بھی عجب عالم ہے
تیر کھایا ہوا جیسے کوئی آہو آئے

عبید اللہ علیم

کس کو معلوم نہیں کون تھا وہ شخص علیمؔ
جس کی خاطر رہے آوارہ ہم آہو کی طرح

شاد عظیم آبادی

چوکڑی بھول کے منہ تکتے ہیں مجھ وحشی کے
آ کے اس پاؤں پہ سر رکھتے ہیں آہو اپنا

اقبال ساجد

شکاری آئے تھے دل میں شکار آرزو کرنے
مگر اس دشت میں تو ایک آہو بھی نہیں نکلا

قیوم نظر

بے دلی ہے نصیب دامِ خیال
آرزو اک رمیدہ آہو ہے

ناصر کاظمی

پاؤں چلنے لگی جلتی ہوئی ریت
دشت سے جب کوئی آہو نکلا